Tuesch gärn, hesch scho lang nümm, wottsch wieder mal? Jassä im Dorfchäller! Mit Barbetrieb und Chuecheverchauf. Chum mit de fixe Jassgruppe oder au elei! Päärli lömmer vor Ort lah entstah.

Röhrebildschrime, schlächti Uflösig, chlobigi Konsole.. Wer vermissts?! Am Chällerchinde Ahlass chasch im Dorfchäller wiedermal die alte Spieli spiele und dich ide Nostalgie verlüre. Es stönd diversi Färnseh, Konsole und Spiel zur Verfüegig. Du darfsch au dini eigente Konsole oder Spiel mitnäh.

Mach mit bim Krimidinner und verschwind ide zwifelshafte Wält vode Märli. Zum ahmälde bis am 28. März es Mail ah info@dorfchaeller.ch schicke. Paar Wuche vorhär chunsch du dini Rolle und Infos per Poscht über. Eintrittspreis: 45.- Fr inkl. Pizza, Salat, Dessert, Wii Nur 10 Persone chönd mitmache.

Schluss mit Überfluss!! Volle Chleiderschrank? Bring mit was nümm bruchsch und nimm mit hei was dier gfallt. Für ALLI Hesch nüd zum wäggäh? Chum glich! Ned nur Kleider willkomme sondern au Sache wie Accessoires, Schueh, Büecher... *mit Barbetrieb und Snacks